உருளைக் கிழங்கு பொடிமாஸ் (Potato podimas)

 உருளைக் கிழங்கு பொடிமாஸ் :

தேவையான பொருள்கள் : 

வேக வைத்து மசித்த உருளைக்கிழங்கு : 2 (பெரியது)

துருவிய தேங்காய் : 2 மேஜைக்கரண்டி

துருவிய இஞ்சி : 1 தேக்கரண்டி 

பொடியாக நறுக்கிய சின்ன வெங்காயம் :  6

பொடியாக நறுக்கிய பச்சைமிளகாய் : 2-3 

எலுமிச்சம்பழச் சாறு : 1/2 தேக்கரண்டி

உப்பு : தேவைக்கேற்ப 

தாளிப்பதற்கு: 

கடுகு : 3/4 தேக்கரண்டி

உளுத்தம்பருப்பு : 3/4 தேக்கரண்டி

கடலைப்பருப்பு : 3/4 தேக்கரண்டி

பெருங்காயம் : 1/4 தேக்கரண்டி

கருவேப்பிலை : 10 - 15

எண்ணெய் : 1 -1.5 தேக்கரண்டி

செய்முறை : 

முதலில் குக்கரில் உருளைக்கிழங்குகளை போட்டு நன்றாக வேக வைத்து அதை தோலுரித்து மசித்து எடுத்துக்கொள்ளவும். 

ஒரு வாணலியில் எண்ணெய் விட்டு கடுகு பொரிந்தவுடன், உளுத்தம் பருப்பு, கடலைப்பருப்பு சேர்த்து பொன்நிறமாக வரும் வரை வறுத்த பின்னர் அதனோடு நறுக்கிய சின்ன வெங்காயம் கீறிய பச்சை மிளகாய், இஞ்சி ,  கருவேப்பிலை மற்றும் பெருங்காயம் சேர்த்து நன்றாக வதக்கிக்கொள்ளவும். 

வெங்காயம் நன்கு வதங்கியவுடன் மசித்த உருளைக்கிழங்கு மற்றும் உப்பு சேர்த்து 5 - 6 

நிமிடங்கள் நன்றாக வதக்கிக் கொள்ள வேண்டும்.

இறுதியாக துருவிய தேங்காய்ப்பூ சேர்த்து இறக்கினால் சுவையான உருளைக்கிழங்கு பொடிமாஸ் தயார்.

குறிப்பு : 

இது சாம்பார் சாதம், ரசம் சாதம் , சப்பாத்தி மற்றும் சொதியோடு சேர்த்து சாப்பிடலாம்.