மொச்சை (Mochchai sundal)

  மொச்சை 

தேவையான பொருள்கள் :

மொச்சை : 1/2 கப் 

கடலை மாவு : 1/4 கப்

நறுக்கிய வெங்காயம் : 1-2

நறுக்கிய பச்சை மிளகாய் : 3-4 

பொடியாக நறுக்கிய இஞ்சி : 1 தேக்கரண்டி 

பெருங்காயம் : ஒரு சிட்டிகை

கருவேப்பிலை : ஒரு கொத்து 

தாளிப்பதற்கு :

கடுகு : 1 தேக்கரண்டி 

உளுந்து : 1 தேக்கரண்டி

செய்முறை :

மொச்சை பயிரை இரவு முழுவதும் தண்ணீரில் ஊற வைத்து எடுத்துக் கொள்ளவும்.

ஒரு குக்கரில் நன்றாக ஊறியுள்ள மொச்சை பயிரைச் சேர்த்து, அது முழுகும் வரை தண்ணீர் சேர்த்து ஒரு 4-5 விசில்வைத்து எடுத்துக் கொள்ளவும். 

ஒரு வாணலியில், தாளிக்க கொடுத்துள்ள பொருள்களை சேர்த்து தாளித்த பின்னர்,வெங்காயம், பச்சைமிளகாய், இஞ்சி, கருவேப்பிலை சேர்த்து வதக்கிக் கொள்ளவும்.பின்னர் வேக வைத்த மொச்சை பயிரைசேர்த்து நன்றாக கிளறவும்.

ஒரு பாத்திரத்தில் கடலை மாவுடன் சிறிது தண்ணீர் சேர்த்து கட்டி இல்லாமல் கலந்து எடுத்துக்கொள்ளவும்.பின்னர் இதனை மொச்சைப் பயிரோடு கலந்து கடலை மாவின் பச்சை வாசனை போகும் வரைகொதிக்கவைத்து இறக்கினால் சுவையான மொச்சை தயார்.

குறிப்புகள் :

பெரிய வெங்காயத்திற்கு பதிலாக சின்ன வெங்காயம் சேர்த்தும் செய்யலாம்.

இதனை மாலை நேரத்தில் தேநீர் அல்லது காபியோடு சாப்பிடலாம்.

ரசம் மற்றும் சாம்பார் சாதத்தோடும் சாப்பிடலாம்.