பாவ் பாஜி :
தேவையான பொருள்கள் :
பாஜி செய்வதற்கு :
வேக வைத்து மசித்த உருளைக்கிழங்கு : 1 கப்
பச்சை பட்டாணி : 1/4 கப்
காலிப்ளவர் : 1/4 கப்
பொடியாக நறுக்கிய குடைமிளகாய் : 1/4 கப்
பொடியாக நறுக்கிய வெங்காயம் : 2
பொடியாக நறுக்கிய தக்காளி : 3
வெண்ணெய் : 2 மேஜைக்கரண்டி
இஞ்சி பூண்டு விழுது : 1 தேக்கரண்டி
காஷ்மீரி மிளகாய் பொடி : 1 தேக்கரண்டி
மஞ்சள் பொடி : 1/4 தேக்கரண்டி
பாவ் பாஜி மசாலா பொடி : 1.5 மேஜைக்கரண்டி
கசூரி மேத்தி (காய்ந்த வெந்தய கீரை இலைகள்) : ¾ தேக்கரண்டி
உப்பு : தேவையான அளவு
பாவ் - டோஸ்ட் செய்வதற்கு :
பாவ் பன் / பிரட் துண்டுகள் : 4 to 6
வெண்ணெய் : 1 மேஜைக்கரண்டி
பாவ் பாஜி மசாலா பொடி : ½ தேக்கரண்டி
அலங்கரிப்பதற்கு :
எலுமிச்சை : 1
பொடியாக நறுக்கிய வெங்காயம் : 2 மேஜைக்கரண்டி
கொத்தமல்லித் தலைகள் : : 2 மேஜைக்கரண்டி
வெண்ணெய் : 1 மேஜைக்கரண்டி
செய்முறை :
பாஜி செய்முறை :
முதலில் குக்கரில் ஒரு மேஜைக்கரண்டி வெண்ணெய் சேர்த்து, அதில் குடை மிளகாய் தவிர்த்து மீதி இருக்கும்எல்லா காய்கறிகளையும் சேர்த்து தேவையான தண்ணீர் சேர்த்து இரண்டு விசில் விட்டு எடுத்து நன்றாக மசித்துகொள்ளவும்
ஒரு அடி கனமான வாணலியில், ஒரு மேஜைக்கரண்டி வெண்ணெய் சேர்த்து, வெங்காயம் சேர்த்து வதக்கிகொள்ளவும்
பின்னர் இதனுடன் நறுக்கி வைத்துள்ள தக்காளி சேர்த்து நன்றாக வதக்கி கொள்ளவும்
பின்னர் இஞ்சி பூண்டு விழுது சேர்த்து பச்சை வாசனை போகும் வரை வதக்கிக்கொள்ளவும்
பின்னர் குடை மிளகாய் சேர்த்து சிறிது வதக்கிய பின்னர், பாவ் பாஜி மசாலா, மிளகாய் பொடி, மஞ்சள் பொடிமற்றும் இந்த மசாலாவிற்கு தேவையான அளவு உப்பு சேர்த்து ஓரிரு நிமிடங்கள் வதக்கிய பின்னர் வேக வைத்துமசித்து வைத்துள்ள காய்கறிகள் மற்றும் தேவையான தண்ணீர் சேர்த்து நன்றாக கலந்து வரும் வரை வதக்கிக்கொள்ளவும்
இதனுடன் கசூரி மேத்தி சேர்த்து இறக்கினால் சுவையான பாவ் பாஜி மசாலா தயார்
பாவ் பன் டோஸ்ட் செய்முறை :
பாவ் பன்னை இரண்டாக வெட்டி வைத்துக் கொள்ளவும்
வெண்ணெய்யை சூடாக்கிய பின்னர், அதில் சிறிது பாவ் பாஜி மசாலா பொடி சேர்த்து அதன் மேல் வெட்டிவைத்துள்ள பன்னை வைத்து ஓரிரு நிமிடங்கள் டோஸ்ட் செய்தால் பாவ் பன் தயார்
பாவ் பாஜி பரிமாறும் முறை :
நறுக்கிய வெங்காயம், தக்காளி, எலுமிச்சம் பழம் மற்றும் வெண்ணெய் சேர்த்து சூடாக பாவ் பாஜி மசாலாவைபரிமாறலாம்
குறிப்புகள்:
பாவ் பாஜி மசாலா இல்லையென்றால், கரம் மசாலா மற்றும் சிகப்பு மிளகாய் பொடி சேர்த்தும் இதே முறையில்தயாரிக்கலாம்
பாவ் பன்கள் இல்லையென்றால், பிரட் வைத்தும் இதே முறையில் தயாரிக்கலாம்
பொதுவாக துரித உணவகத்தில், காலிப்ளவர் சேர்ப்பதில்லை.
இந்த பாஜியை தோசையின் நடுவினில் வைத்து தோசை வார்த்து எடுத்தால் சுவையான பாவ் பாஜி மசாலாதோசை தயார்
இதே பாஜியில் காய்களை மசிக்காமல் அப்படியே பரிமாறினால் கடா பாஜி மசாலா தயார்
No comments:
Post a Comment