அவியல்
தேவையான பொருள்கள்:
வாழைக்காய் : 1
கேரட் : 2
பீன்ஸ் : 5
கத்திரிக்காய் : 3
உருளைக்கிழங்கு : 1
முருங்கைக்காய் : 5 துண்டுகள்
மஞ்சள்தூள் : 1/4 தேக்கரண்டி
புளித்த தயிர் : 2 மேஜைக்கரண்டி
தேங்காய் எண்ணெய் : 1 டேபிள் ஸ்பூன்
கறிவேப்பிலை : 10
உப்பு : தேவையான அளவு
அரைப்பதற்கு:
தேங்காய் துருவல் : 3 மேஜைக்கரண்டி
பச்சை மிளகாய் : 2
சீரகம் : 1 தேக்கரண்டி
தாளிப்பதற்கு:
தேங்காய் எண்ணெய் : 2 மேஜைக்கரண்டி
கடுகு : 1/2 தேக்கரண்டி
உளுத்தம்பருப்பு : 1/2 தேக்கரண்டி
கருவேப்பிலை இலைகள் : சிறிது
செய்முறை:
கேரட், உருளைக்கிழங்கு, வாழைக்காய் போன்றவைகளை தோல் நீக்கி எடுத்துக் கொள்ளவும்.
பின்னர் எல்லா காய்கறிகளையும் நீளவாக்கில் நறுக்கிக் கொள்ளவும்.
ஒரு அகலமான பாத்திரத்தில் நறுக்கிய கேரட், பீன்ஸ் மற்றும் உருளைக்கிழங்கு சேர்த்து 3/4 கப் தண்ணீர் ஊற்றிமூடி வைத்து வேக வைத்து கொள்ளவும்.
கேரட் சிறிது நிறம் மாறும் போது நறுக்கிய வாழைக்காய், கத்திரிக்காய் மற்றும் முருங்கைக்காய் சேர்த்து நன்குகலந்து வேகவிடவும்.
காய்கறிகள் வேகும் போது அரைப்பதற்கு கொடுத்துள்ள பொருள்களை, ஒரு மிக்ஸி ஜாரில் சேர்த்து சிறிதுதண்ணீர் விட்டு விழுதாக அரைத்து எடுத்துக் கொள்ளவும்.
காய்கறிகள் கிள்ளு பதத்திற்கு வெந்ததும் மஞ்சள்தூள், தேவையான அளவு உப்பு, அரைத்த தேங்காய் விழுதுசேர்த்து நன்கு கலந்து மிதமான தீயில் கொதிக்க வைத்து கொள்ளவும்.
பின் தயிர் சேர்த்து நன்கு கலந்து சீரகத்தின் பச்சை வாசனை போனதும் அடுப்பை அணைக்கும் போது தேங்காய்எண்ணெய் விட்டு நன்கு கலந்து கறிவேப்பிலை சேர்த்து இறக்கி ஒரு மூடியினால் மூடி வைத்துக் கொள்ளவும்.
வாணலியில் சிறிது தேங்காய் எண்ணெய் விட்டு சூடானதும் கடுகு, உளுத்தம்பருப்பு மற்றும் கருவேப்பிலைதாளித்து கலந்தால் சுவையான அவியல் தயார்.
குறிப்புகள் :
இதில் தயிருக்கு பதிலாக ஒரு சிறிய துண்டு ஊறவைத்த புளியை தேங்காயோடு சேர்த்து அரைக்கலாம். அதனைஅவியல் குழம்பு என்று சொல்லுவார்கள்.
அவியலுக்கு தாளிப்பு தேவையில்லை. அடுப்பை அணைத்தவுடன், சிறிது தேங்காய் எண்ணெய் ஊற்றி, கருவேப்பிலை இலைகளை கிள்ளி அவியலில் கலந்து மூடி வைத்து விட்டாலே போதுமானது. தேங்காய்எண்ணெய்யின் வாசனையோடு அவியல் மிகவும் ருசியாக இருக்கும்.
சேனைக்கிழங்கு, சேப்பங்கிழங்கு போன்ற எல்லா கிழங்கு வகைகளையும்,
மாங்காய், புடலங்காய், வெள்ளரிக்காய், கொத்தவரங்காய் போன்ற காய்கறிகளையும் சேர்க்கலாம்.
சாம்பார், ரசம், புளிக்குழம்பு, உளுந்தம் பருப்பு சாதம் மற்றும்அடையோடு சேர்த்து இந்த அவியலை பரிமாறலாம்.
No comments:
Post a Comment