அவல் மிக்ஸர்/ சிவ்டா:
தேவையான பொருள்கள் :
அவல் : 2 கப்
நிலக்கடலை : 1/3 கப்
பொட்டுக்கடலை : 1/3 கப்
முந்திரிப்பருப்பு : 1/3 கப்
கிஸ்மிஸ்: 2 தேக்கரண்டி
மிளகாய் பொடி : 1/2 தேக்கரண்டி
மஞ்சள் பொடி : 1/4 தேக்கரண்டி
பொடித்த சர்க்கரை : 1 தேக்கரண்டி
பெருங்காயம் : ஒரு சிட்டிகை
கருவேப்பிலை : சிறிது
உப்பு : தேவைக்கேற்ப
எண்ணெய் : தேவையான அளவு
செய்முறை :
ஒரு அடி கனமான வாணலியில் முதலில் அவலைச் சேர்த்து மெதுவாக மிதமான தீயில் எண்ணெய் எதுவும்சேர்க்காமல், அதே சமயத்தில் நிறம் மாறாமல் வறுத்து எடுத்துக் கொள்ள வேண்டும்.
அவலை உடைத்து விடாமல் மொறு மொறு என்று இருக்குமாறு வறுத்து எடுத்துக் கொள்ளவும்.
பின்னர் மற்றொரு வாணலியில் 2 முதல் 3 தேக்கரண்டி எண்ணெய் சேர்த்து பின்னர் அதில் முதலில் கடலையைமிதமான தீயில் வறுத்து எடுத்துக் கொள்ளவும்.
பின்னர் அதே வாணலியில், முந்திரிப்பருப்புகளை சேர்த்து அத்தனையும் வறுத்து எடுத்துக் கொள்ளவும்.
பின்னர் மீண்டும் அதே வாணலியில் கிஸ்மிஸ் மற்றும் பொட்டுக்கடலை ஆகியவற்றையும் சேர்த்து வறுத்துஎடுத்துக் கொள்ளவும்.
பின்னர் ஒரு பெரிய அடி கனமான வாணலியில் ஒரு தேக்கரண்டி எண்ணெய் சேர்த்து கருவேப்பிலையைபொறித்த பின்னர், மிளகாய் பொடி, மஞ்சள் பொடி பெருங்காயம் மற்றும் சர்க்கரை ஆகியவற்றை சேர்த்து 1/2 நிமிடம் வதக்கிய பின்னர், அவல் மற்றும் வறுத்து வைத்துள்ள பொருள்களைச் சேர்த்து நன்றாக கலந்தால்சுவையான அவல் மிக்ஸர்/ சிவ்டா தயார்.
குறிப்புகள்:
அவலுக்கு பதிலாக பொரி/ கார்ன் பிளேக்ஸ் / ஜவ்வரிசி போன்றவைகள் வைத்தும் இதே முறையில் மிக்ஸர்/ சிவ்டா தயாரிக்கலாம்.
கெட்டி அவலாக இருந்தால், அதனையும் எண்ணெய்யில் பொரித்து எடுத்தும் இந்த அவல் மிக்ஸர்தயாரிக்கலாம்.
மிளகாய் பொடிக்கு பதிலாக பச்சை மிளகாய் / காய்ந்த மிளகாய் கூட சேர்த்துக் கொள்ளலாம்.
கொப்பரை தேங்காய் வறுத்தும் இந்த சிவ்டாவில் கலந்து கொள்ளலாம்.
விருப்பப்படும் நட்ஸ்களை வறுத்து இந்த சிவ்டாவில் கலந்து கொள்ளலாம்.
சர்கரைக்குப் பதிலாக சர்க்கரையைப் பொடித்தும் சேர்க்கலாம்.
இந்த மிக்ஸ்ர் இனிப்பும் காரமுமாக (Khatta meetta ) இருக்கும். இனிப்பு சுவை விரும்பாதவர்கள் சர்க்கரையைசேர்க்காமல் தயாரித்துக் கொள்ளலாம்.
No comments:
Post a Comment