ஏபிசி ஜூஸ் :
தேவையான பொருள்கள் :
ஆப்பிள் : 1
கேரட் : 1
பீட்ரூட் : 1/2
தேன் : 1 தேக்கரண்டி
விருப்பப்பட்டால் :
இஞ்சி : ஒரு சிறு துண்டு
எலுமிச்சம் பழ சாறு : 1 தேக்கரண்டி
பிளாக் உப்பு : ஒரு சிட்டிகை
செய்முறை :
முதலில் கேரட் மற்றும் பீட்ரூட்டை தோல் நீக்கி துருவி எடுத்துக் கொள்ளவும்.
ஆப்பிளை தோல் நீக்கி சிறு சிறு துண்டுகளாக நறுக்கி கொள்ளவும்.
இஞ்சி சேர்ப்பதாக இருந்தால், அதனையும் தோல் நீக்கி சிறு துண்டுகளாக நறுக்கி கொள்ளவும்.
ஒரு மிக்ஸி ஜாரில் துருவிய கேரட், பீட்ரூட் மற்றும் நறுக்கிய ஆப்பிள் மேலும் இஞ்சி சேர்த்து தேவையான அளவு தண்ணீர் சேர்த்து நன்றாக ஜூஸாக அடித்து கொள்ளவும்.
விருப்பப்பட்டால் சிறிது தேன் மற்றும் எலுமிச்சை சாறு சேர்த்து கலந்து குளிர் சாதனப் பெட்டியில் ஒரு அரை மணி நேரம் வைத்து எடுத்தால் சுவையான ஏபிசி ஜூஸ் தயார்.
குறிப்புகள் :
இந்த ஜூஸில் ஐஸ் கட்டிகள் கலந்தும் அருந்தலாம்.
தேனோ அல்லது வேறு எந்த சுவையூட்டியோ சேர்க்காமலும் அருந்தலாம்.
இஞ்சி சேர்ப்பது அவரவர் விருப்பம்.
பிளாக் சால்ட் ஒரு பின்ச் சேர்த்தாலும் சுவையாக இருக்கும்.
குளிர் சாதனப் பெட்டியில் வைக்காமல் அப்டியே அருந்தலாம்.
No comments:
Post a Comment