கடலை கறி (Kadalai kari/curry )

 கடலை கறி:

தேவையான பொருள்கள் :

 

கருப்பு கொண்டக்கடலை : 1 கப் 

சின்ன வெங்காயம் : 5-8

பச்சை மிளகாய் : 2-3

உப்பு : தேவையான அளவு 

தண்ணீர் : தேவைக்கேற்ப 

 

வறுத்து அரைப்பதற்கு :

 

வெங்காயம் : 1

தக்காளி : 1

துருவிய தேங்காய் : 1/4 கப் 

துருவிய இஞ்சி : 1 துண்டு 

நறுக்கிய பூண்டு : 2 

பட்டை : 1/4 இன்ச் 

ஏலக்காய் : 1-2 

கிராம்பு : 1-2

சோம்பு : 1 தேக்கரண்டி

மஞ்சள் பொடி :  1/4 தேக்கரண்டி 

மிளகாய் பொடி : 1 தேக்கரண்டி 

தனியா / கொத்தமல்லி பொடி : 1 தேக்கரண்டி 

கரம் மசாலா : 1/2 தேக்கரண்டி 

கருவேப்பிலை : 5-8 இலைகள் 

தேங்காய் எண்ணெய் : 2 மேஜைக்கரண்டி 

 

தாளிப்பதற்கு : 

 

தேங்காய் எண்ணெய் : 1 தேக்கரண்டி 

கடுகு : 1/2 தேக்கரண்டி 

உளுத்தம்பருப்பு : 1/2 தேக்கரண்டி 

காய்ந்த மிளகாய் : 1-2 

கருவேப்பிலை : சிறிது 

 

செய்முறை :

 

முதலில் கொண்டைக்கடலையை அது மூழ்கும் வரை தண்ணீர் சேர்த்து 8 முதல் 12 மணி நேரங்கள் ஊறவைத்து, பின்னர் அதனை குக்கரில் சிறிது உப்பு சேர்த்து வேக வைத்து எடுத்துக் கொள்ளவும்.

 

ஒரு வாணலியில் தேங்காய் எண்ணெய் ஊற்றி, அதில் வறுக்க கொடுத்துள்ள பொருள்களை ஒவ்வொன்றாகசேர்த்து நன்றாக வதக்கிய பின்னர், அதனை நன்றாக ஆற வைத்து மிக்ஸியில் நன்றாக அரைத்து எடுத்துக்கொள்ளவும்.

 

ஒரு அடி கனமான வாணலியில் தேங்காய் எண்ணெய் சேர்த்து தாளிப்பதற்கு கொடுத்துள்ள பொருள்களைசேர்த்து தாளித்த பின்னர் நறுக்கிய சின்ன வெங்காயம் மற்றும் கீறிய பச்சை மிளகாய் சேர்த்து வதக்கிக்கொள்ளவும்.

 

பின்னர் இதனுடன் அரைத்து வைத்துள்ள விழுதை சேர்த்து ஓரிரு நிமிடங்கள் வதக்கிய பின்னர் வேக வைத்துஎடுத்துள்ள கடலையை சேர்த்து கலந்து கொள்ளவும். 

 

பின்னர் தேவையான அளவிற்கு தண்ணீர் சேர்த்து, ஒரு 10 நிமிடங்கள் மூடி போட்டு கொதிக்க வைத்துஇறக்கினால் சுவையான கடலைக் கறி தயார். 

 

குறிப்புகள் :

 

இந்த முறையில் செய்வதற்கு காலா சென்னா என்று அழைக்கப்படும் கருப்பு கொண்டைக்கடலையை தான்பயன்படுத்துவார்கள். ஆனால், விருப்பப்பட்டால் வெள்ளை கடலையிலும் செய்யலாம்.

 

தேங்காய் எண்ணெய் பயன்படுத்தி செய்யும் சுவையும் மனமும் அருமையாக இருக்கும்.

 

விருப்பப்பட்டால் சிறிது தேங்காய் பாலையும் சேர்த்துக் கொள்ளலாம்.

 

இதனோடு புட்டு, இடியாப்பம், ஆப்பம், சப்பாத்தி, ரொட்டி மற்றும் புல்காவுடன் சேர்த்து சாப்பிடலாம்.

 

பேரிச்சம்பழம் அண்ட் நட்ஸ் லட்டு ( Dates and nuts laddu / dry fruits laddu )

 பேரிச்சம்பழம் அண்ட் நட்ஸ் லட்டு:

தேவையான பொருள்கள் : 

 

பேரிச்சம்பழம் (விதை நீக்கியது) : 1 கப்

முந்திரி பருப்பு, பாதாம் பருப்பு, பிஸ்தா & வால்நட் : 1 கப் (எல்லாம் சேர்த்து) 

கிஸ்மிஸ் / உலர்ந்த திராட்சை : 1 தேக்கரண்டி 

டெஸிகேட்டட் தேங்காய் : 1 - 2 மேஜைக்கரண்டி 

நெய் : 1 தேக்கரண்டி ( விருப்பப்பட்டால்) 

 

செய்முறை :

 

ஒரு வாணலியில், 1/2 தேக்கரண்டி நெய் சேர்த்து, கிஸ்மிஸ் மற்றும் எல்லா பருப்புகளையும் சேர்த்து வறுத்து எடுத்து வைத்துக் கொள்ளவும்.

 

மீண்டும் அதே வாணலியில், மீதமிருக்கும் 1/2 தேக்கரண்டி நெய் மற்றும் பேரிச்சம்பழம் சேர்த்து ஓரிரு நிமிடங்கள் வதக்கி எடுத்துக் கொள்ளவும்.

 

சிறிது ஆறியபின்னர், ஒரு மிக்ஸி ஜாரில் கிஸ்மிஸ், டெஸ்ஸிகேட்டட் தேங்காய் மற்றும் பருப்புகளைச் சேர்த்து ஒன்றிரண்டாக பொடித்துக் கொள்ளவும்.

 

பின்னர் இதனுடன், பேரிச்சம் பழம் சேர்த்து ஒரு சுற்று சுற்றி எடுத்துக் கொள்ளவும். 

 

பின்னர், இந்த கலவையினை எடுத்து கைகளால் லட்டுகளாக உருட்டிய பின்னர், விருப்பப்பட்டால் டெஸ்ஸிகேட்டட் தேங்காயை மேலே தூவி அலங்கரித்தால், சுவையான பேரிச்சம்பழம் மற்றும் நட்ஸ் லட்டு தயார்.

 

குறிப்புகள் :

 

விருப்பமான பருப்புகள் மட்டுமின்றி விருப்பமான விதைகளையும் ( வெள்ளரி விதை, பூசணிக்காய் விதை ) , உலர் பழங்களையும் (apricot, fig ) போன்றவைகள் சேர்த்தும் இதே முறையில் தயாரிக்கலாம். 

 

கசகசா கூட ஒரு தேக்கரண்டி சேர்த்துக் கொள்ளலாம். (இங்கே அது தடை செய்யப்பட்ட ஒரு பொருள் ஆகையால் நான் சேர்க்கவில்லை) 

 

ஒரு கப் பேரீச்சம்பழத்திற்கு ஒரு கப் பருப்புகள் மற்றும் விதைகள் சேர்த்து தயாரிக்கும் பொழுது, தனியாக எந்த சுவையூட்டிகளையும் சேர்க்க தேவையில்லை. பேரீச்சம்பழத்தில் இருக்கும் இனிப்பு சுவையே போதுமானது. 

 

நெய் சேர்க்காமலும் பருப்புகள் மற்றும் பேரீச்சம்பழத்தினை உலர் வறுவலாக (dry roast) வறுத்தும் இதே முறையில் லட்டுகள் தயாரிக்கலாம். 

 

பருப்புகள் மற்றும் பழத்தை வறுக்காமல் பருப்புகளை தனியாக மிக்ஸியில் ஒன்றிரண்டாக பொடித்து, பின்னர் பழத்தை மிக்ஸியில் தனியாக அரைத்து எடுத்துக் கொண்டு,  பின்னர் ஒரு வாணலியில் நெய் சேர்த்து முதலில் பருப்புகள், கிஸ்மிஸ், தேங்காய் சேர்த்து கொஞ்சம் வறுத்த பின்னர் அரைத்த பேரிச்சம்பழம் சேர்த்து ஓரிரு நிமிடங்கள் வதக்கினால், நன்றாக திரண்டு வரும். பின்னர் அதனை லட்டுகளாக பிடித்துக் கொள்ளலாம். இந்த முறையிலும் இந்த லட்டுகளை தயாரிக்கலாம். 

 

வறுத்த பருப்புகளை (already roasted nuts and  seeds) உபயோகிப்பதாக இருந்தால், இது ஒரு சமைக்கவே தேவையில்லாத ஒரு நோ குக் ரெசிபி. ஒரு மிக்ஸி ஜாரில் நட்ஸுகளை சேர்த்து ஒன்றிரண்டாக பொடித்த பின்னர், பேரீச்சம்பழத்தை மிக்ஸியில் சேர்த்து மீண்டும் ஒரு சுற்று சுற்றி எடுத்து, லட்டுகளாக பிடித்தும் தயாரிக்கலாம்.

 

டெஸிகேட்டட் தேங்காய்க்கு பதிலாக வறுத்த வெள்ளை எள்ளை இந்த லட்டுகளின் மேலே தூவி அலங்கரிக்கலாம்.

கம்பு தோசை (Kambu dosai)

 கம்பு தோசை : 

தேவையான பொருள்கள் : 

கம்பு : 1கப் 

இட்லி அரிசி : 1கப் 

உளுந்து : 1/2 கப் 

வெந்தயம் : 1/2 தேக்கரண்டி 

எல்லாம் ஒன்றாகச் சேர்த்து 3-4 மணி நேரங்கள் ஊற வைத்து, மிக்ஸி / கிரைண்டரில் தோசை மாவு பதத்திற்குஅரைத்து, 4 - 6 மணி நேரங்கள் வரை புளிக்க வைத்து தோசைகளாக வார்த்தால், சுவையான, வாசனையானகம்பு தோசை தயார்.

குறிப்புகள் : 

கம்பிற்கு பதிலாக மற்ற சிறு தானியங்களான வரகு, சாமை போன்றவைகளையும் சேர்த்து இதே முறையில் சிறுதானிய தோசைகள் தயாரிக்கலாம். 

கம்புத் தோசையோடு காரமான வெங்காய சட்னி வைத்து பரிமாறலாம்.

மாதுளம் பழம் தயிர் ஸ்மூத்தி (Pomegranate Curd smoothie)

 மாதுளம் பழம் தயிர் ஸ்மூத்தி 

தேவையான பொருள்கள் :

மாதுளம்பழ முத்துக்கள் : 1.5 கப் 

கெட்டியான வெண்ணிலா பிளவோர்ட் கிரீக் ஸ்டைல் தயிர் / கெட்டியான சாதாரண தயிர் : 1 கப் 

ஊறவைத்த சப்ஜா விதைகள் : 1 மேஜைக்கரண்டி 

செய்முறை : 

ஒரு ஜூஸரில் / மிக்ஸி ஜாரில் மாதுளம்பழ முத்துக்கள் மற்றும் தயிர் சேர்த்து நன்றாக அடித்து ஜூஸ் செய்து, சப்ஜா விதைகள் சேர்த்து அலங்கரித்தால் சுவையான மாதுளம் பழ ஸ்மூத்தி தயார் 

குறிப்புகள் : 

கிரீக் ஸ்டைல் யோகர்ட்டிற்கு பதிலாக சாதாரண கெட்டித் தயிர் சேர்த்தும் தயாரிக்கலாம் 

புளி இல்லா கறி/ குழம்பு (Puli Illa curry)

 புளி இல்லா கறி/ குழம்பு : 

தேவையான பொருட்கள்

துவரம்பருப்பு : 1/4 கப்

முருங்கைக்கீரை : 1 கப்

முருங்கைக்காய் : 1 (2 இன்ச் துண்டுகளை நறுக்கியது )

கத்திரிக்காய்  : 1 (விருப்பப்பட்டால் ) 

மஞ்சள்தூள் :  1/4 தேக்கரண்டி

உப்பு :  தேவையான அளவு

அரைப்பதற்கு தேவையான பொருள்கள் : 

தேங்காய் துருவல் : 2 மேஜைக்கரண்டி 

சீரகம் : 1 தேக்கரண்டி

மிளகாய் வற்றல் : 4 

மிளகு :  2 தேக்கரண்டி

கறிவேப்பிலை : 10 இலைகள்

சின்ன வெங்காயம் : 3

பூண்டு பற்கள் : 2

தாளிப்பதற்கு : 

கடுகு : 1/2 தேக்கரண்டி

உளுத்தம்பருப்பு :  1/2 தேக்கரண்டி

சீரகம் :  1/2 தேக்கரண்டி

பொடியாக நறுக்கிய சின்ன வெங்காயம் : 1 மேஜைக்கரண்டி 

நெய்/ தேங்காய் எண்ணெய் : 1 தேக்கரண்டி 

செய்முறை : 

துவரம்பருப்பை நன்கு கழுவி விட்டு, சிறிது நேரம் ஊறவைத்து குக்கரில் 4 விசில் வரும் வரை வேகவைத்துஎடுக்கவும்.

வாணலியில் 1 தேக்கரண்டி எண்ணெய் விட்டு சூடானதும் அதில் மிளகு, சீரகம், மிளகாய் வற்றல், கறிவேப்பிலைசேர்த்து நன்கு வாசனை வரும் வரை வறுக்கவும்.

அவை அறிய பின் ஒரு சிறிய மிக்ஸி ஜாரில் சேர்த்து சின்ன வெங்காயம், பூண்டு பற்கள், தேங்காய் துருவல்சேர்த்து சிறிது தண்ணீர் ஊற்றி அரைத்துக் கொள்ளவும்.

ஒரு வாணலியில், தாளிப்பதற்கு கொடுத்துள்ள பொருள்களை சேர்த்து தாளித்த பின்னர், நறுக்கியகத்திரிக்காய், முருங்கைக்காய் மற்றும்  முருங்கைக்கீரை சேர்த்து தேவையான தண்ணீர் சேர்த்து வேகவைத்துக் கொள்ளவும்.

காய்கள் மற்றும் கீரை பாதி வெந்ததும், வேக வைத்துள்ள பருப்பு மற்றும் மஞ்சள்தூள் சேர்த்து நன்கு கலந்துகொள்ளவும்.

பின் அரைத்த விழுதை சேர்த்து நன்கு கலந்து சிறிது தண்ணீர் சேர்த்து தேவையான அளவு உப்பு சேர்த்துகொதிக்க விட்டு இறக்கினால் சுவையான புளி இல்லா குழம்பு தயார் 

குறிப்பு

பெயரிற்கு ஏற்றாற்போல் , இந்த குழம்பில் புளி / தக்காளி போன்ற எந்த புளிப்பும் சேர்ப்பதில்லை இதுதிருநெல்வேலியின் ஒரு சிறப்பான குழம்பு (ஸ்பெஷல் குழம்பு) 

துவரம் பருப்பிற்கு பதிலாக பாசிப்பருப்பு சேர்த்தும் இதே முறையில் இந்த குழம்பினை தயாரிக்கலாம். 

கத்திரிக்காய் மற்றும் முருங்கைக்காய் மட்டும் தான் இந்த குழம்பில் சேர்த்து செய்வோம் காய்கள் இல்லாமலும்வெறும் கீரை மட்டும் சேர்த்தும் தயாரிக்கலாம் 

மிளகு சேர்க்காமல் வெறும் காய்ந்த மிளகாய் மட்டுமே சேர்த்தும் தயாரிக்கலாம் 

முருங்கைக்கீரை கண்டிப்பாக சேர்க்க வேண்டும் ஆனால்அதிக அளவு சேர்க்க வேண்டாம். 

இந்த குழம்பை அதிக நேரம் கொதிக்க விடக்கூடாது.