மாதுளம் பழம் தயிர் ஸ்மூத்தி
தேவையான பொருள்கள் :
மாதுளம்பழ முத்துக்கள் : 1.5 கப்
கெட்டியான வெண்ணிலா பிளவோர்ட் கிரீக் ஸ்டைல் தயிர் / கெட்டியான சாதாரண தயிர் : 1 கப்
ஊறவைத்த சப்ஜா விதைகள் : 1 மேஜைக்கரண்டி
செய்முறை :
ஒரு ஜூஸரில் / மிக்ஸி ஜாரில் மாதுளம்பழ முத்துக்கள் மற்றும் தயிர் சேர்த்து நன்றாக அடித்து ஜூஸ் செய்து, சப்ஜா விதைகள் சேர்த்து அலங்கரித்தால் சுவையான மாதுளம் பழ ஸ்மூத்தி தயார்
குறிப்புகள் :
கிரீக் ஸ்டைல் யோகர்ட்டிற்கு பதிலாக சாதாரண கெட்டித் தயிர் சேர்த்தும் தயாரிக்கலாம்
முளைக்கட்டிய பச்சைப்பயிறு சப்ஜி
தேவையான பொருளகள் :
முளைக்கட்டிய பச்சைப்பயிறு : கப்
நறுக்கிய தக்காளி : கப்
நறுக்கிய வெங்காயம் : கப்
மிளகாய்த்தூள் : தேக்கரண்டி
மஞ்சள்தூள் : தேக்கரண்டி
இஞ்சி பூண்டு விழுது : தேக்கரண்டி
பெருங்காயம் : ஒரு சிட்டிகை
எலுமிச்சை சாறு : தேக்கரண்டி
நறுக்கிய கொத்தமல்லித் தளைகள் : சிறிதளவு
உப்பு : தேவைக்கேற்ப
தாளிப்பதற்கு
எண்ணெய் : மேஜைக்கரண்டி
சீரகம் : தேக்கரண்டி
செய்முறை :
முதலில் ஒரு குக்கரில் முளைக்கட்டிய பயிரோடு, அது மூழ்கும் அளவிற்கு தண்ணீர் சேர்த்து, மூன்றிலிருந்துநான்கு விசில் வைத்து வேகா வைத்து எடுத்துக்கொள்ளவும்
ஒரு அடி கனமான வாணலியில், எண்ணெய் சேர்த்து சீரகம் தாளித்த பின்னர், வெங்காயம் சேர்த்து பொன்நிறமாகும் வரை வதக்கிக்கொள்ளவும்
பின்னர் அதனோடு தக்காளி சேர்த்து வதக்கிக்கொள்ளவும்
தக்காளி நன்றாக வதங்கியவுடன், அதனோடு வேக வைத்துள்ள பயிறு, மசாலா பொருள்கள் மற்றும் தண்ணீர்சேர்த்து ஒன்றாக கலந்து ஒரு நிமிடங்கள் வரை மூடி போட்டு வேக வைத்து எடுத்துக்கொள்ளவும்
அடுப்பை அணைத்து விட்டு, இதில் எலுமிச்சை சாறு மற்றும் கொத்தமல்லித் தளைகள் சேர்த்துக் கிளறினால்சுவையான முளைக்கட்டிய பச்சை பயிறு சப்ஜி தயார்
குறிப்புகள் :
பச்சை பயிரை முளைக்கட்டாமலும் இதே முறையில் தயாரிக்கலாம்
பச்சைப்பயிருக்கு பதிலாக ஒன்று அல்லது அதற்கு மேற்பட்ட பயிறு வகைகள் சேர்த்து இதே முறையில்செய்யலாம்
விருப்பப்பட்டால் கரம்மசாலா சேர்த்துக்கொள்ளலாம்
இதனை சாதம், சப்பாத்தி, ரொட்டி மற்றும் புல்காவுடன் சேர்த்துப் பரிமாறலாம்
சம்பா கோதுமை கேசரி
தேவையான பொருள்கள் :
சம்பா கோதுமை : 1 கப்
சர்க்கரை : 1 கப்
நெய் : 3 தேக்கரண்டி
பால் : 2 கப்
தண்ணீர் : 2 கப்
ஏலக்காய் பொடி : ஒரு சிட்டிகை
முந்திரிப்பருப்பு அண்ட் கிஸ்மிஸ் : 5 - 8
செய்முறை :
ஒரு குக்கரில் ஒரு தேக்கரண்டி நெய் சேர்த்து, சம்பா கோதுமையை நிறம் எதுவும் மாறாமல் ஒரு இரண்டுநிமிடங்கள் மிதமான தீயில் வறுத்த பின்னர், பால் மற்றும் தண்ணீர் சேர்த்து, 2 - 3 விசில் வைத்து, நன்றாக வேகவைத்து கொள்ளவும்.
ஒரு வாணலியில், ஒரு தேக்கரண்டி நெய் சேர்த்து முந்திரி மற்றும் கிஸ்மிஸ்க்களை வறுத்து எடுத்துக்கொள்ளவும்.
குக்கெரை திறந்தவுடன், சூடாக இருக்கும் சம்பா கோதுமையோடு, சர்க்கரை மற்றும் வறுத்து வைத்துள்ளமுந்திரிப்பருப்பு மற்றும் கிஸ்மிஸ் சேர்த்து மேலும் ஒரு தேக்கரண்டி நெய் சேர்த்து நன்றாகக் கலந்தால்சுவையான சம்பா கோதுமை கேசரி தயார்.
குறிப்புகள் :
கோதுமையை வறுக்காமலும் தயாரிக்கலாம். ஆனால், சிறிது வறுத்து தயாரிக்கும் பொழுது மணமும் சுவையும்அதிகமாக இருப்பதோடு,கோதுமை ரவை ஒன்றோடு ஒன்று ஒட்டாமலும் இருக்கும். (மிகவும் குழையாமல்இருக்கும்)
சர்க்கரைக்கு பதிலாக விருப்பமான சுவையூட்டிகளை சேர்த்து இதே முறையில் தயாரிக்கலாம்.
1 கப் கோதுமைக்கு 1 கப் சர்க்கரை என்பது அளவான இனிப்பாக இருக்கும். ஆனால், தங்களின்விருப்பத்திற்கேற்ப, சர்க்கரையின் அளவினை அதிகரித்தோ/ குறைத்தோ சேர்த்துக் கொள்ளலாம்.
பாலிற்கு பதிலாக தேங்காய் பால்/ நட் மில்க் போன்றவைகளையும் சேர்த்து தயாரிக்கலாம்.
தேங்காய் பால் சேர்ப்பதாக இருந்தால், இரண்டாம் பாலில் கோதுமையை வேக வைத்து , பின்னர் சர்க்கரைசேர்க்கும் பொழுது முதல் தேங்காய் பால் சேர்க்கவும்.
பாலின் அளவை சிறிது அதிகமாக சேர்த்து இதையே மிகவும் சுவையான கோதுமை பிரதமன்/ பாயாசமாகவும்தயாரிக்கலாம்.
பிளைன் சால்னா
தேவையான பொருள்கள்:
வெங்காயம் : 1
தக்காளி : 2
சோம்பு : 1 மேஜைக்கரண்டி
மிளகு : 1/2 தேக்கரண்டி
பட்டை : 1 இன்ச்
ஏலக்காய் : 2
ஜீரகம் : 1 தேக்கரண்டி
பூண்டு : 2
இஞ்சி : 1/2 இன்ச்
பச்சைமிளகாய் : 1
சிகப்பு மிளகாய் பொடி : 1/2 தேக்கரண்டி
தனியா பொடி : 1 மேஜைக்கரண்டி
மஞ்சள் பொடி : 1/4 தேக்கரண்டி
துருவிய தேங்காய் : 1/4 cup
முந்திரிப்பருப்புகள் / பொட்டுக்கடலை : 1 மேஜைக்கரண்டி
எண்ணெய் : 3 மேஜைக்கரண்டி
செய்முறை:
ஒரு அடி கனமான வாணலியில் எண்ணெய் ஊற்றி, அதில் தேங்காய் மற்றும் முந்திரி தவிர மீதி இருக்கும்பொருள்களை ஒவ்வொன்றாக சேர்த்து நன்றாக வதக்கிக்கொள்ளவும்.
இறுதியாக, தேங்காய் சேர்த்து அடுப்பை அனைத்து, வறுத்த கலவை நன்றாக ஆறியவுடன் ஒரு மிக்ஸி ஜாரிலிட்டுதேவையான அளவு தண்ணீர் சேர்த்து நன்கு அரைத்து எடுத்தால் சுவையான பிளைன் சால்னா தயார்.
பின்னர் விருப்பப்பட்டால், முழு கரம் மசாலா தாளித்து கொள்ளலாம்.
குறிப்புகள்:
முந்திரிப்பருப்புகளுக்கு பதிலாக பொட்டுக்கடலையோ / கசகசாவோ சேர்த்துக் கொள்ளலாம்.
விருப்பப்பட்டால், வேகவைத்த காய்கறிகள் / பன்னீர் சேர்த்தும் இதே முறையில் சால்னா தயாரிக்கலாம்.
இந்த பிளைன் சால்னாவை பரோட்டா/ ரொட்டி/புல்கா/ இட்லி /தோசைகளோடு சாப்பிட மிகவும் அருமையாகஇருக்கும்.
தேங்காய்ப் பால் சொதி:
தேவையான பொருள்கள்:
துருவிய தேங்காய் : 1
பாசிப்பருப்பு : கால் கப்
நறுக்கிய உருளைக்கிழங்கு : 1
நறுக்கிய கேரட் : 1
நறுக்கிய பீன்ஸ் : 10
நறுக்கிய முருங்கைக்காய் : 1
எலுமிச்சை சாறு : 1 பழத்தில் இருந்து எடுத்த சாறு (3 மேஜைக்கரண்டி )
அரைப்பதற்கு :
நறுக்கிய இஞ்சி : 20 கிராம்
பச்சை மிளகாய் : 4 - 5
பூண்டு : 5 - 8 பற்கள்
சீரகம் : 1 தேக்கரண்டி
தாளிப்பதற்கு :
தேங்காய் எண்ணெய் : ஒரு தேக்கரண்டி
கடுகு : கால் தேக்கரண்டி
உளுத்தம் பருப்பு : 1 தேக்கரண்டி
சீரகம் : 1 தேக்கரண்டி
கருவேப்பிலை : ஒரு கொத்து
பொடியாக நறுக்கிய பெரிய வெங்காயம் : 1
கீறிய பச்சை மிளகாய் : 2
உப்பு : தேவையான அளவு
தேங்காய் பால் எடுக்கும் முறை:
ஒரு தேங்காயை துருவி எடுத்து வைத்துக் கொள்ளவும்.
ஒரு மிக்ஸி ஜாரில் அதை தண்ணீர் விடாமல் அரைத்து முதல் பால் எடுத்து அதை தனியாக வைத்துக்கொள்ளவும்.
பின்னர் முதலில் அரைத்த அதே தேங்காய்ப் பூவுடன் அரை கப் தண்ணீர் சேர்த்து இரண்டாம் முறை தேங்காய்பால் எடுத்து வைத்துக் கொள்ளவும்.
இதே முறையில் மூன்றாம் முறையும் தேங்காய் பால் எடுத்து வைத்துக் கொள்ளவும்.
செய்முறை:
பாசிப்பருப்பை ஒரு அரை மணி நேரம் ஊற வைத்து பின்னர் குக்கரில் ஒரு மூணு விசில் விட்டு வேக வைத்துக்கொள்ளவும்.
எல்லா காய்களையும் ( உருளைக்கிழங்கு, கேரட், பீன்ஸ் மற்றும் முருங்கைக்காய்) குக்கரில் மூன்றாம் பால்சேர்த்து ரெண்டு விசில் விட்டு வேக வைத்துக் கொள்ளவும்.
இஞ்சியை மிக்ஸியில் சிறிது தண்ணீர் ஊற்றி அரைத்து அதில் இருந்து இஞ்சிச் சாறு எடுத்து தனியாக வைத்துக்கொள்ளவும்.
பின்னர் பச்சை மிளகாய், பூண்டுப்பற்கள் மற்றும் சீரகம் சேர்த்து சிறிது தண்ணீர் விட்டு அரைத்துக் கொள்ளவும்.
ஒரு கடாயில் சிறிது தேங்காய் எண்ணெய் ஊற்றி, கடுகு சேர்த்து அது பொரிந்தவுடன் உளுத்தம் பருப்பு , சீரகம்மற்றும் கருவேப்பிலை சேர்த்து சேர்த்து தாளித்துக் கொள்ளவும்.
பின்னர் அதனுடன் வெங்காயம், பச்சை மிளகாய் சேர்த்து நன்றாக வதக்கிக் கொள்ளவும்.
இதனுடன் வேக வைத்த காய்கறிகள், பருப்பு, பச்சை மிளகாய், பூண்டு மற்றும் சீரகம் அரைத்த விழுது மற்றும்இரண்டாம் பால் சேர்த்து ஒன்றாக கொதிக்க வைத்துக் கொள்ளவும்.
பின்னர் இதனுடன் இஞ்சிச் சாறு சேர்த்து கொதிக்க வைத்துக் கொள்ளவும்.
இறுதியாக இதனுடன் முதல் தேங்காய்ப் பால் சேர்த்து ஒரு கொதி வந்தவுடன் இறக்கி விட வேண்டும்.
சிறிது ஆறியவுடன் அதனுடன் எலுமிச்சை சாறு சேர்த்து கலந்தால் சுவையான சொதி தயார்.
குறிப்புகள் :
இந்த குழம்பிற்கு புளி, மசாலா, பொடி போன்ற எதுவும் சேர்ப்பதில்லை. குழம்பிற்கு தேவையான காரம் பச்சைமிளகாய் மற்றும் இஞ்சி மட்டுமே. ஆகையால் இவை இரண்டும் சற்று அதிகமாக சேர்க்க வேண்டும். அதே போல்குழம்பிற்குத் தேவையான புளிப்பிற்கு எலுமிச்சைச் சாறு மட்டும் தான்.
முதல் பால் சேர்த்தவுடன் அதிக நேரம் கொதிக்க விடக்கூடாது. ஏனென்றால் பால் / குழம்பு திரிந்து விடவாய்ப்புகள் அதிகம்.
இறுதியாக எலுமிச்சை சாறை குழம்பு சற்று ஆறிய பின்னர் தான் சேர்க்க வேண்டும். சூடாக இருக்கும் போதேசேர்த்தால் சிறிது கசப்புத் தன்மை வந்துவிடும்.
