உளுத்தம்பருப்பு சாதம்/கருப்பு உளுந்து சாதம் (Black Urad Dal rice/ Ulutham paruppu Satham)

 உளுத்தம்பருப்பு சாதம்/கருப்பு உளுந்து சாதம் 

தேவையான பொருள்கள் :

புழுங்கல் அரிசி : 1 கப்

கருப்பு உளுந்தம் பருப்பு : 1/4 கப்

வெந்தயம் : 1 தேக்கரண்டி

பூண்டு பற்கள் : 4-5

தேங்காய்த்துருவல் : 1/2 கப்

தண்ணீர் : 3.5 - 4 கப்

நல்லெண்ணெய் :  2 டீஸ்பூன்

உப்பு : தேவையான அளவு

 

செய்முறை :

 

ஒரு அடி கனமான வாணலியை அடுப்பில் வைத்து லேசாக சூடாக்கி அதில் வெந்தயத்தை சேர்த்து வறுத்துக்கொள்ளவும்.

 

வெந்தயம் லேசாக வெடிக்க ஆரம்பித்ததும், கருப்பு உளுந்தம் பருப்பை சேர்த்து நன்கு  வாசனை வரும் வரை வறுத்துக்கொள்ளவும்.

 

ஒரு அகலமான பாத்திரத்தில் அரிசியோடு வறுத்த பருப்பையும் சேர்த்து நன்கு கழுவி விட்டு, சிறிது தண்ணீர் ஊற்றி  ஊற வைத்து எடுத்துக்கொள்ளவும்.

 

ஒரு பிரஷர் குக்கரில் ஊறவைத்த அரிசி, பருப்பு, வெந்தயம், பூண்டு, தேங்காய் துருவல், உப்பு, மற்றும் நல்லெண்ணெய் சேர்த்து, மேலும் 3.5 - 4 கப் தண்ணீர் ஊற்றி நன்கு கலந்து கொள்ளவும்.

 

குக்கரை மூடி வைத்து 3 -  4 விசில் வரும் வரை வேக வைத்து எடுத்தால் சுவையான உளுத்தம் பருப்பு சாதம் தயார்.

 

குறிப்புகள் :

 

இந்த சாதம் தயாரிப்பதற்கு, உடைத்த கருப்பு உளுந்து தான் உபயோகிப்பார்கள். ஆனால், தோல் நீக்கப்பட்ட வெள்ளை உளுந்திலும் தயாரிக்கலாம்.

 

இந்த சாதத்தோடு நல்ல எண்ணெய் சேர்த்து எள்ளு தொகையல் சேர்த்து  பரிமாறுவார்கள்.

 

எங்கள் வீட்டில் இந்த சாதத்தோடு கொஞ்சம் நல்ல எண்ணெய் ஊற்றி, கருப்பட்டி தொட்டும் சாப்பிடுவோம்..

 

இதனோடு எள்ளு தொகையல், தேங்காய் தொகையல், அவியல், வத்தல்/வடகம் மற்றும் சில நேரங்களில் கீரை பொரியல் வைத்து சாப்பிட மிகவும் ருசியாக இருக்கும்.

 

இதுவும் ஒரு திருநெல்வேலி ஸ்பெஷல் ரெசிபி..

கோதுமை மாவு தேங்காய் ரெயின்போ குக்கீஸ் ( coconut rainbow cookies using wheat flour)

 கோதுமை மாவு தேங்காய் ரெயின்போ குக்கீஸ் : 

தேவையான பொருள்கள் :

கோதுமை மாவு : 1கப்

டெசிக்கேட்டட் தேங்காய் : 1 கப் 

ஆர்கானிக் வெல்லம் பொடித்தது :  1 கப்  

ஏலக்காய் பொடி : 1 தேக்கரண்டி 

பேக்கிங் பொடி : 1/2 தேக்கரண்டி 

வெண்ணெய் : 70 கிராம் 

மோர் : 2-4 மேஜைக்கரண்டி ( தேவைப்பட்டால்) 

செய்முறை : 

முதலில் கோதுமை மாவுடன் பேக்கிங் பொடி சேர்த்து நன்றாக சலித்து எடுத்து வைத்துக் கொள்ளவும்.

பின், மற்றொரு பாத்திரத்தில் வெண்ணெய் மற்றும் வெல்லம் சேர்த்து வெல்லம் நன்றாக கரையும் வரை கலந்துகொள்ளவும்.

பின்னர் இதனோடு சலித்து வைத்துள்ள மாவு, தேங்காய், ஏலக்காய் பொடி சேர்த்து மெதுவாக கலக்கவும். 

இப்பொழுது தேவைக்கேற்ப 2 முதல் 4 மேஜைக்கரண்டி மோர் சேர்த்து கலந்து விருப்பமான வடிவத்தில்குக்கியாக செய்து, அதன் மீது சிறிய M & M சாக்கலேட்டுகளை வைத்து அலங்கரித்த பின்னர்,  ஒரு பேக்கிங்ட்ரேயில் வைத்து சூடேற்றப்பட்டுள்ள ஓவெனில் 160 டிகிரி வெப்பநிலையில் 15 - 20 நிமிடங்கள் வரை பேக்செய்து எடுத்தால்சுவையான தேங்காய் குக்கீக்கள் தயார்.

குறிப்புகள் :

வெல்லத்திற்கு பதிலாக எந்த சுவையூட்டிகளையும் சேர்த்து இதே முறையில் தயாரிக்கலாம். 

ஏலக்காய் பொடிக்கு பதிலாக எந்த வாசனை தரும் பொருளையும் சேர்க்கலாம்.

சாக்கலேட்டிற்கு பதிலாக நட்ஸ் சேர்த்து அலங்கரித்து பரிமாறலாம். 

தேங்காயின் வாசனையோடு இந்த குக்கீக்கள் மிகவும் சுவையாக இருக்கும். 

ரவை இட்லி (Rava Idly)

 ரவை இட்லி 

தேவையான பொருள்கள் : 

ரவை : 1 கப் 

தயிர் : 3/4 கப் 

பொடியாக நறுக்கிய / துருவிய இஞ்சி : 1 இன்ச் 

பொடியாக நறுக்கிய பச்சை மிளகாய் : 1

துருவிய கேரட் : 2 மேஜைக்கரண்டி 

இனோ (Eno) பழ உப்பு / பேக்கிங் சோடா : 1/2 தேக்கரண்டி 

முந்திரிப்பருப்பு : 10

மஞ்சள் பொடி : 1/4 தேக்கரண்டி 

பொடியாக நறுக்கிய கொத்தமல்லித் தளைகள் : 2 மேஜைக்கரண்டி 

உப்பு : தேவையான அளவு 

தண்ணீர் : 1/2 கப்  

தாளிப்பதற்கு : 

எண்ணெய் : 2 தேக்கரண்டி 

கடுகு : 1 தேக்கரண்டி 

உளுந்து : 1/2 தேக்கரண்டி 

கடலைப்பருப்பு : 1 தேக்கரண்டி 

பெருங்காயம் : 1 பின்ச் 

கருவேப்பிலை : சிறிது 

செய்முறை : 

ஒரு வாணலியில் தாளிப்பதற்கு கொடுத்துள்ள பொருள்களை சேர்த்து தாளித்த பின்னர், பச்சை மிளகாய் மற்றும்இஞ்சி சேர்த்து ஒரு நிமிடம் வதக்கிய பின்னர், துருவிய கேரட் மற்றும் மஞ்சள் பொடி சேர்த்து ஓரிரு நிமிடங்கள்வதக்கிக் கொள்ளவும்.

இறுதியாக ரவை சேர்த்து மிதமான தீயில் ஒரு நான்கு முதல் ஐந்து நிமிடங்கள் வரை வறுத்துக் கொள்ளவும்.

பின்னர் ரவை நன்றாக ஆறிய பின்னர்இதனோடு தயிர், தேவையான தண்ணீர், கொத்தமல்லித் தளைகள் மற்றும்உப்பு சேர்த்து நன்றாக கட்டி இல்லாமல் கலந்து 15 -20 நிமிடங்கள் வரை ஊற வைத்துக் கொள்ளவும்.

ரவை நன்றாக ஊறிய பின்னர், தேவைப்பட்டால் சிறிது தண்ணீர் சேர்த்து இட்லி மாவு பதத்திற்கு கரைத்துக்கொள்ளவும்.

இட்லிகளாக ஊற்ற முன்னர், இனோ (Eno) பழ உப்பு / பேக்கிங் சோடா சேர்த்து கலந்து கொள்ளவும்.

பின்னர் இட்லி தட்டில் முதலில் ஒவ்வொரு குழியிலும் ஒரு முந்திரி வைத்து பின்னர் ரவை இட்லி மாவினைஊற்றி 10 - 15 நிமிடங்கள் வரை வேக வைத்து எடுத்தால் சுவையான ரவை இட்லி தயார்.

இதனோடு விருப்பமான சட்னி/ சாம்பார் சேர்த்து பரிமாறலாம்.

குறிப்புகள் : 

இது உடனடியாக ரவை இட்லி தயாரிக்கும் முறை ஆதலால், இதில் இனோ/ பேக்கிங் சோடா சேர்த்து செய்துஇருக்கிறேன். 

குழந்தைகளுக்கு கொடுப்பதாக இருந்தால் இது இரண்டையும் தவிர்த்து விடுங்கள். இதற்கு பதிலாக ஒருதேக்கரண்டி சர்க்கரை சேர்த்து குழந்தைகளுக்கு இதே முறையில் தயாரிக்கலாம்.

முந்திரிப்பருப்பை மாவுடனேயே கலந்தும் இட்லிகள் செய்யலாம்.

ரவா ஷெல்ஸ் (Rava / sooji spicy shells)

 ரவா ஷெல்ஸ் 

தேவையான பொருள்கள் :

ரவா : 1 கப் 
மிளகு பொடி : 1/2 தேக்கரண்டி 
மிளகாய் பொடி : 1/2 தேக்கரண்டி 
உப்பு : தேவையான அளவு 
தண்ணீர் : தேவையான அளவு
எண்ணெய் : பொரிப்பதற்கு 

செய்முறை :

இந்த ரவா ஷெல்ஸ் செய்வதற்கு ரவை மிகவும் சிறியதாக இருக்க வேண்டும். ஆகையால், நான் ரவையை மிக்ஸியிலிட்டு அதனை நன்றாக பொடித்து எடுத்துக்கொள்ளவும்.  

பொடித்த ரவையுடன் மிளகாய் பொடி , மிளகு பொடி, உப்பு மற்றும் ஒரு தேக்கரண்டி எண்ணெய் சேர்த்து பிரட் க்ராம்ஸ் பதத்திற்கு கலந்து கொள்ளவும்.

பின்னர் தேவையான அளவு தண்ணீர் சேர்த்து சப்பாத்தி மாவு பதத்திற்கு பிசைந்து, ஒரு ஈரத்துணியினால் மூடி 10  நிமிடங்கள் ஊற வைத்துக்கொள்ளவும்.

மாவு நன்றாக ஊறி, மிகவும் மிருதுவாக இருக்கும். இதனை சிறு சிறு உருளைகளாக உருட்டிக் கொள்ளவும். 

பின்னர் ஒவ்வொரு உருளையாக எடுத்து, ஒரு முள் கரண்டியின் பின்னால் அதனை வைத்து கரண்டியின் இம்ப்ரெஸ்ஸன் வரும் வண்ணம் மாவினை அழுத்திய பின்னர் அதனை அப்படியே உருட்டி எடுத்தால் ஷெல் வடிவங்கள் வரும். 

ஒரு அடி கனமான வாணலியில்,எண்ணெய் ஊற்றி, எண்ணெய் சூடாகியதும், செய்து வைத்துள்ள ஷெல்களை சேர்த்து மிதமான தீயில், போன் நிறமாகும் வரை பொரித்து எடுத்தால், சுவையான ரவா ஷெல்ஸ் தயார்.. 

குறிப்புகள் :

ரவா பொடியாக இருந்தால், மிக்ஸியில் அரைத்துப் பொடிக்க தேவையில்லை.. 

இந்த ஷெல்களை மிதமான தீயில் மிகவும் பொறுமையாக பொறித்து எடுக்கவும். அவ்வாறு செய்வதால், செல்களின் உள்ளே வரை நன்றாக பொரிந்து மிகவும் மொறுமொறுப்பாக இருக்கும். 

நான் மிளகு பொடியும் மிளகாய் பொடியும் சேர்த்து செய்து உள்ளேன்.. நீங்கள் உங்களுக்கு விருப்பமான பொடிகளை சேர்த்து செய்து ருசியுங்கள்.
சில நேரங்களில், சாட் மசாலா / இத்தாலியன் சீசனிங்ஸ் கூட சேர்த்து செய்து இருக்கிறேன்.. மிகவும் சுவையாக இருக்கும். 

Rawa Pongal

Ingredients:

Rawa : 1 cup
Green Gram Dhal : 1/2 cup
Green Chilly : 1
Black Pepper : 1 tsp (coarsely powdered)
Cumin sseds/Jeera : 1 tsp (coarsely powdered)
Asafotida powder : a pinch
Fresh Ginger : a small 1" piece (finely chopped)
Cashew nuts : few
Ghee : 2 tablespoon
Curry leaves: few strands
Salt :as per taste

Method:

Put rawa in a kadai and dry roast it untill it turn into light golden brown.
In the same kadai put the dhal and  roast slightly.
Pressure cook the dal with enough water and keep it aside.
Boil two cups of water and chopped ginger and salt to the boiling water.
Now slowly add the rawa into it and reduce the flame.
When rawa is cooked well and then add the cooked dhal and mix gently. Add one or two teaspoon ghee and mix it nicely.
In a kadai put the remaining ghee and when it is hot, add cashew nuts, asafotida powder, green
chillies, curry leaves and coarsely powdered pepper and jeera and fry just for a
second. Add this seasoning to the rawa-dhal mixture and mix well.

Suvaiyana rawa pongal is ready to serve.

This goes well with Coconut Chutney or sambar along with vadai.