கோதுமை மாவு வாழைப் பழ கேக் ( Eggless Banana Cake with wheat flour)

 கோதுமை மாவு வாழைப் பழ கேக்:

தேவையான பொருள்கள் :

 

கோதுமை மாவு - ஒரு கப்

 

பூவன் பழம் - 2

 

சர்க்கரை - 1 /2 கப்

 

எண்ணெய் - 1/4 கப்

 

தயிர் - 1/8 கப்

 

பேக்கிங் பவுடர் - 1/2 தேக்கரண்டி

 

பேக்கிங் சோடா - 1/4 தேக்கரண்டி

 

வெண்ணிலா எசென்ஸ் /பவுடர்  - 1/2 தேக்கரண்டி

 

முந்திரிப் பருப்பு : சிறிது

 

உப்பு - ஒரு சிட்டிகை

 

செய்முறை :

 

ஓவனை 180 டிக்ரீஸ்க்கு முதலில் சூடாக்கி கொள்ளவும்.

 

ஒரு பாத்திரத்தில் வாழைப்பழத்தை நன்றாக மசித்துக் கொள்ளவும்.

 

பின்னர், அதனுடன் சர்க்கரை, எண்ணெய் , வெண்ணிலா எசென்ஸ் , தயிர் சேர்த்து நன்றாக கலக்கவும்.

 

இதனுடன் கோதுமை மாவு, பேக்கிங் சோடா , பேக்கிங் பவுடர் சேர்த்து நன்றாக கலக்கவும்.

 

இந்த கலவையை எண்ணெய் தடவிய ஒரு பேக்கிங் பேனிற்கு மாற்றி அதன் மீது முந்திரிப் பருப்புகள் சேர்த்து அலங்கரித்து, பின்னர் 180  டிஃகிரீசில் 30 - 35  நிமிடங்கள் பேக் செய்தால் சுவையான வாழைப்பழ கேக் தயார்.

 

குறிப்பு:

 

பேக்கிங் செய்வதற்கு முன்னர் ஓவனை முதலில் ஒரு பத்து நிமிடங்கள் வரை கண்டிப்பாக சூடாக்க வேண்டும்.இவ்வாறு செய்வதால் ஓவனின் வெப்பநிலை பேக்கிங் செய்வதற்கு தேவையான அளவிற்கு வந்துவிடும். அதாவது, தோசைக் கல்லை முதலில் சூடாக்கிய பின்னர் தானே தோசைகள் செய்வோம் அதே முறை தான்.

 

கோதுமை மாவிற்கு பதிலாக மைதா மாவிலும் இதே முறையில் கேக் செய்யலாம்.

 

இந்த கேக்கிற்கு பொடித்த சர்க்கரை தேவை இல்லை. நான் சாதாரணமாக உபயோகிக்கும் சர்க்கரை தான் சேர்த்து செய்தேன்.

 

எண்ணெய் -  தங்களுக்கு விருப்பமான ஆனால் வாசனை இல்லாத எண்ணெய்யாக பயன்படுத்தலாம்.

 

முந்திரிக்கு பதிலாக விருப்பமான  எந்த பருப்பையும் சேர்க்கலாம்.

 

கேக்  நன்றாக ஆறியதும் தான் துண்டுகள் போட வேண்டும்

கோதுமை மாவு தேங்காய் ரெயின்போ குக்கீஸ் ( coconut rainbow cookies using wheat flour)

 கோதுமை மாவு தேங்காய் ரெயின்போ குக்கீஸ் : 

தேவையான பொருள்கள் :

கோதுமை மாவு : 1கப்

டெசிக்கேட்டட் தேங்காய் : 1 கப் 

ஆர்கானிக் வெல்லம் பொடித்தது :  1 கப்  

ஏலக்காய் பொடி : 1 தேக்கரண்டி 

பேக்கிங் பொடி : 1/2 தேக்கரண்டி 

வெண்ணெய் : 70 கிராம் 

மோர் : 2-4 மேஜைக்கரண்டி ( தேவைப்பட்டால்) 

செய்முறை : 

முதலில் கோதுமை மாவுடன் பேக்கிங் பொடி சேர்த்து நன்றாக சலித்து எடுத்து வைத்துக் கொள்ளவும்.

பின், மற்றொரு பாத்திரத்தில் வெண்ணெய் மற்றும் வெல்லம் சேர்த்து வெல்லம் நன்றாக கரையும் வரை கலந்துகொள்ளவும்.

பின்னர் இதனோடு சலித்து வைத்துள்ள மாவு, தேங்காய், ஏலக்காய் பொடி சேர்த்து மெதுவாக கலக்கவும். 

இப்பொழுது தேவைக்கேற்ப 2 முதல் 4 மேஜைக்கரண்டி மோர் சேர்த்து கலந்து விருப்பமான வடிவத்தில்குக்கியாக செய்து, அதன் மீது சிறிய M & M சாக்கலேட்டுகளை வைத்து அலங்கரித்த பின்னர்,  ஒரு பேக்கிங்ட்ரேயில் வைத்து சூடேற்றப்பட்டுள்ள ஓவெனில் 160 டிகிரி வெப்பநிலையில் 15 - 20 நிமிடங்கள் வரை பேக்செய்து எடுத்தால்சுவையான தேங்காய் குக்கீக்கள் தயார்.

குறிப்புகள் :

வெல்லத்திற்கு பதிலாக எந்த சுவையூட்டிகளையும் சேர்த்து இதே முறையில் தயாரிக்கலாம். 

ஏலக்காய் பொடிக்கு பதிலாக எந்த வாசனை தரும் பொருளையும் சேர்க்கலாம்.

சாக்கலேட்டிற்கு பதிலாக நட்ஸ் சேர்த்து அலங்கரித்து பரிமாறலாம். 

தேங்காயின் வாசனையோடு இந்த குக்கீக்கள் மிகவும் சுவையாக இருக்கும். 

சாக்லேட் கப் கேக்(Choclate Cup cake )

 சாக்லேட் கப் கேக் 

தேவையான பொருள்கள் :

கோதுமை மாவு  : 4 மேஜைக்கரண்டி 

கொக்கோ பொடி : 1 மேஜைக்கரண்டி 

பிரவுன் சர்க்கரை  : 4 மேஜைக்கரண்டி 

பேக்கிங் சோடா  :  1/4 தேக்கரண்டி 

ஆலிவ் எண்ணெய்  : 1 மேஜைக்கரண்டி 

பால்  : 5 மேஜைக்கரண்டி 

வெண்ணிலா எசென்ஸ்  : 1/4 தேக்கரண்டி 

செய்முறை : 

ஒரு பாத்திரத்தில் முதலில் கோதுமை மாவு, பேக்கிங் சோடா , கொக்கோ பொடி எல்லாம் சேர்த்து சலித்துஎடுத்து கொள்ளவும்

அதனுடன் சர்க்கரை சேர்த்து நன்றாக கலந்து வைத்துக் கொள்ளவும் 

பின்னர் இதனுடன் எண்ணெய், பால் மற்றும் வெண்ணிலா எசென்ஸ் எல்லாம் சேர்த்து நன்றாக கட்டி இல்லாமல்கலந்து கொள்ளவும் 

பின்னர் கப் கேக் மோல்ட்டுகளில் இந்த மாவுக் கலவையை ஊற்றி 180 டிகிரி வெப்பநிலையில் 20 - 25 நிமிடங்கள் பேக் செய்து எடுத்தால் சுலபமான சுவையான கப் கேக்குகள் தயார் 

குறிப்புகள் : 

பிரவுன் சர்க்கரைக்கு பதிலாக சாதாரண சர்க்கரை சேர்த்தும் செய்யலாம் 

சாதாரண சர்க்கரை என்றால் 3 மேஜைக்கரண்டி சர்க்கரையே போதுமானது 

கோதுமை மாவிற்கு பதிலாக, மைதா / மைதா + கோதுமை மாவிலும் இதே முறையில் கப் கேக்குகள்தயாரிக்கலாம் 

விருப்பப்பட்டால் சிறிது சாக்லேட் சிப்ஸ் சேர்த்தும் செய்யலாம் 

கேரட் கேக் (Carrot Cake)

 கேரட் கேக் 

தேவையான பொருள்கள் : 

கோதுமை மாவு : 1 கப் /100 கிராம் 

சர்க்கரை : 1/3 கப்/ 75 கிராம் 

தயிர் : 1 கப் / 100 கிராம் 

எண்ணெய் : 30 கப் 

துருவிய கேரட் : 1 கப் / 100 கிராம் 

பேக்கிங் பவுடர் : 1 தேக்கரண்டி 

பேக்கிங் சோடா : 1/2 தேக்கரண்டி 

வெண்ணிலா எசென்ஸ் :  1 தேக்கரண்டி 

செய்முறை : 

முதலில் ஒரு சல்லடை வைத்து கோதுமை மாவு, பேக்கிங் சோடா மற்றும் பேக்கிங் பவுடர் ஆகியவற்றைநன்றாக சலித்து எடுத்துக் கொள்ளவும்.

ஒரு பாத்திரத்தில் எண்ணெய் மற்றும் சர்க்கரை சேர்த்து நன்றாக கலந்து கொள்ளவும்.

இதனோடு தயிர் மற்றும் வெண்ணிலா எசென்ஸ் சேர்த்து நன்றாக (ஒரு இரண்டு நிமிடங்கள் வரை) கலந்தபின்னர் துருவிய கேரட் சேர்த்து கலந்து கொள்ளவும்.

பின்னர் இதனோடு சலித்து வைத்துள்ள மாவினைச் சேர்த்து ஒரு கரண்டியினால் நன்றாக கலந்து கொள்ளவும்.

பின்னர் இந்த கலவையை பேக்கிங் பாத்திரத்திற்கு மாற்றி அவனில் வைத்து 30 - 35 நிமிடங்கள் பேக் செய்துஎடுத்தால் சுவையான கேரட் கேக் தயார்.

குறிப்புகள் :

இதனை மஃபின் டின்னில் சேர்த்து கேரட் மபினாகவும் தயாரிக்கலாம்.

விருப்பமான நட்ஸ் சேர்த்து அலங்கரிக்கலாம்.

நான் நாட்டு சர்க்கரை மற்றும் ஆலிவ் எண்ணெய் சேர்த்து இந்த கேக் பேக் செய்து இருக்கிறேன்நீங்கள்விருப்பமான எண்ணெய் மற்றும் சுவையூட்டிகளை சேர்த்து இதே முறையில் கேக் செய்யலாம்.

இதனை வெண்ணிலா ஐஸ் கிரீமோடோ அல்லது டீ/ காபியோடு பரிமாறலாம்.

கஸ்டர்டு குக்கீஸ் (Custard Cookies)

 கஸ்டர்டு குக்கீஸ் :

கோதுமை மாவு :  150 கிராம்கள் 
கஸ்டர்டு பவுடர் : 75 கிராம்கள் 
பொடித்த சர்க்கரை : 100 கிராம்கள் 
வெண்ணெய் : 100 கிராம்கள் 
வெண்ணிலா எசென்ஸ் : 1 தேக்கரண்டி 
பால் : 1 - 2 தேக்கரண்டி ( தேவைப்பட்டால் ) 

செய்முறை : 

ஒரு பாத்திரத்தில் வெண்ணெய் மற்றும் சர்க்கரை சேர்த்து நன்றாக கிரீமியாக கலந்து கொள்ளவும்.

மற்றொரு பாத்திரத்தில் கோதுமை மாவு மற்றும் கஸ்டர்டு பௌடெரை கலந்து நன்றாக சலித்து எடுத்துக்கொள்ளவும்.

பின்னர் சலித்து வைத்துள்ள மாவு , வெண்ணிலா எசென்ஸ் மற்றும் தேவைப்பட்டால் பால் சேர்த்து வெண்ணெய் மற்றும் சர்க்கரையோடு கலந்து கொள்ளவும்.

பின்னர் இந்த மாவு கலவையை ஒரு பத்து நிமிடங்கள் குளிர் சாதன பெட்டியில் வைத்து எடுத்துக் கொள்ளவும்.

பின்னர் இந்த மாவினை சிறு சிறு உருண்டைகளாக உருட்டி ஒரு போர்க்/ முள்கரண்டி வைத்து சிறிது அழுத்தி விட்டு கொள்ளவும்.

இந்த குக்கீகளை ஓவெனில் 180 டிகிரியில் 12 - 15 நிமிடங்கள் வரை பேக் செய்து எடுத்தால் சுவையான கஸ்டர்டு குக்கீஸ் தயார்.

குறிப்புகள் :

கோதுமை மாவிற்கு பதிலாக மைதா சேர்த்தும் இதை தயாரிக்கலாம்.

சர்க்கரைக்கு பதிலாக வெல்லம் சேர்த்தும் இதனை தயாரிக்கலாம்.

வெண்ணிலா எஸ்சென்ஸ்க்கு பதிலாக ஏலக்காய் பொடி சேர்த்தும் / விருப்பமான எசென்ஸ் சேர்த்தும் செய்யலாம்.

இது முட்டை சேர்க்காமல் செய்வதால் வெண்ணெய் இந்த அளவு சேர்த்தால் தான் குக்கீ நன்றாக வரும்.

இது ஒரு டீ டைம் குக்கீஸ். அதாவது காபி/ டீயுடன் சேர்த்து சுவைக்கலாம்.