அரைப் புளிக்குழம்பு / அரைச்சு விட்ட புளிக்குழம்பு /கடலைக்குழம்பு
தேவையான பொருள்கள் :
வெண்டைக்காய் : 2 -4
புளி : சிறிய எலுமிச்சம் பழம் அளவு
ஊறவைத்து வேக வைத்த கொண்டைக்கடலை : 1 கப்
உப்பு : தேவையான அளவு
அரைப்பதற்கு :
நல்லெண்ணெய் : 2 மேஜைக்கரண்டி
கொத்தமல்லி விதை : 1 மேஜைக்கரண்டி
கடலைப்பருப்பு : 1 தேக்கரண்டி
துவரம் பருப்பு : 1 தேக்கரண்டி
உளுத்தம்பருப்பு : 1 தேக்கரண்டி
வெந்தயம் : 1/4 தேக்கரண்டி
காய்ந்த மிளகாய் : 3 - 4
தேங்காய் : 4 மேஜைக்கரண்டி
தாளிப்பதற்கு :
நல்லெண்ணெய் : 2 மேஜைக்கரண்டி
கடுகு : 1 தேக்கரண்டி
உளுத்தம் பருப்பு : 1 தேக்கரண்டி
பெருங்காயம் : ஒரு சிட்டிகை
காய்ந்த மிளகாய் : 2
கருவேப்பிலை : ஒரு கைப்பிடி
செய்முறை :
முதலில், கொண்டைக்கடலையை 4 - 6 மணி நேரங்கள் நன்றாக ஊற வைத்து, பின்னர் குக்கரில் 4 விசில் விட்டுவேக வைத்து எடுத்துக் கொள்ளவும்.
புளியைக் கரைத்து புளிக்கரைசலை எடுத்து வைத்துக் கொள்ளவும்.
ஒரு அடி கனமான வாணலியில், நல்லெணெய் சேர்த்து, தேங்காய் தவிர மீதி இருக்கும் பொருள்களைஒவ்வொன்றாக வறுத்து எடுத்த பின் இறுதியாக தேங்காயை சேர்த்து வறுத்து எடுத்து அரைத்துக் கொள்ளவும்.
மற்றொரு வாணலியில், நல்லெண்ணெய் சேர்த்து தாளிப்பதற்கு கொடுத்துள்ள பொருள்களை சேர்த்துதாளித்தப்பின்னர், நறுக்கிய வெண்டைக்காய் சேர்த்து வதக்கிய பின்னர் சிறிது தண்ணீர் சேர்த்து காயைநன்றாக வேக
வைத்துக்கொள்ளவும்.
காய் வெந்தவுடன், புளிக்கரைசல் மற்றும் உப்பு சேர்த்து புளியின் பச்சை வாசனை போகும் வரைக்கும் கொதிக்கவிட வேண்டும்.
புளிக்கரைசல் கொதித்த பின்னர், அதனோடு வேக வைத்த கொண்டைக்கடலை மற்றும் அரைத்து வைத்துள்ளதேங்காய் விழுது சேர்த்து ஒரு கொதி வந்தவுடன் இறக்கினால், சுவையான அரைப்புளிக்குழம்பு தயார்
குறிப்புகள் :
அரைப்புளிக்குழம்பு என்பது அரைச்சு விட்ட புளிகுழம்பின் சுருக்கமே தவிர புளியின் அளவு பாதி கிடையாதுஇதுவும் திருநெல்வேலி ஸ்பெஷல் புளிக்குழம்பு.
கொண்டக்கடலைக்குe பதிலாக நிலக்கடலை/ தட்டப்பயிறு / காராமணி போன்ற பயிறுகளை சேர்த்தும்செய்யலாம். பயிர் சேர்க்காமலும் செய்யலாம்.
வெண்டைக்காய்க்கு பதிலாக, முருங்கைக்காய்/ பரங்கிக்காய்/கத்திரிக்காய் போன்ற காய்கள் சேர்த்தும்செய்யலாம்.
விருப்பப்பட்டால், ஒரு சிறிய துண்டு வெல்லம் புளிக்கரைசலோடு சேர்த்து கொதிக்க விடலாம்.
