திருவாதிரை களி (Thiruvathirai kali)

 திருவாதிரை களி: 

 

தேவையான பொருள்கள் : 

பச்சரிசி : 1/2 கப் 

பாசிப்பருப்பு : 1-2 மேஜைக்கரண்டி 

வெல்லம் : 3/4 கப் 

தேங்காய் : 1/4 கப் 

நெய் : 2-4 மேஜைக்கரண்டி 

ஏலக்காய் பொடி : ஒரு சிட்டிகை

தண்ணீர்: 3 கப் 

உப்பு : ஒரு சிட்டிகை 

செய்முறை : 

ஒரு வாணலியியல், அரிசி மற்றும் பருப்பை சேர்த்து நன்றாக சிவக்க வறுத்துக் கொள்ளவும்.

பின்னர் இதனை ஒரு மிக்ஸி ஜாரில் போட்டு, ரவை மாதிரி உடைத்துக் கொள்ளவும். 

ஒரு வாணலியில், வெல்லம் மற்றும் தண்ணீர் சேர்த்து வெல்லத்தை நன்றாக கரைத்து வடிகட்டிக் கொள்ளவும்.

பின்னர் வடிகட்டிய வெல்லக்கரைசலோடு, தேங்காய், ஏலக்காய் பொடி மற்றும் உடைத்து வைத்துள்ள அரிசிபருப்பு ரவையைச் சேர்த்து நன்றாக கட்டி இல்லாமல் கலந்து கொள்ளவும்.

பின்னர், இதனை ஒரு பாத்திரத்திற்கு மாற்றி, ஒரு குக்கரில் அரை கப் தண்ணீர் ஊற்றி, இந்த பாத்திரத்தைவைத்து 2-3 விசில் வைத்து எடுத்தால் சுவையான திருவாதிரைக் களி தயார். 

குறிப்புகள்: 

வெல்லம் சிறிது அதிகமாகவோ குறைத்தோ அவரவர் விருப்பத்திற்கு ஏற்றார் போன்று சேர்த்து கொள்ளவும். 

பாசிப்பருப்பு, தேங்காய் போன்றவை இல்லாமலும் இதே முறையில் களி செய்யலாம். 

அதே போன்று விருப்பப்பட்டால் வறுத்த முந்திரி பருப்புகள் சேர்க்கலாம்.